Instead of xanga...我而家開咗個msn space...咁樣可能大家都會方便d...

我既link係: http://bleegli.spaces.live.com/

請大家多多支持同leave comment 啦...:D

今晚我走咗堂．．．去咗同ａｖａ佢地打麻雀．．．

因為放完假之後，我個心仲係好唔舒服，好痛．．．

原先以為打麻雀可以令我得到暫時既快樂．．．因為至少係同ｄ朋友一齊打．．．點知．．．第一次打到咁冇精神．．．個腦集中唔到打麻雀度．．．個感覺好辛苦．．．

我唔知點解我會變成咁．．．亦唔敢去想像我將來會變成點．．．

定係．．．我已經變成一個冇將來既人．．．我唔知．．．

我只係知道我想快ｄ轉工．．．而喺開始新工作之前我想休息一段時間．．．唔知想去邊．．．但係唔想留喺香港．．．呢度．．．實在有太多回憶．．．係好好既回憶．．．但係亦都只係回憶．．．

我已經唔敢去諗仲有冇番轉頭既機會．．．至少我已經冇資格去做決定同選擇．．．我只係知道．．．我真係好辛苦．．．好辛苦．．．

個個都叫我去做ｄ會令到自己舒服開心既事．．．但係我諗唔到有咩係可以令到我開心舒服．．．飲酒唔會令我開心．．．打麻雀亦都唔得．．．唱ｋ．．．亦唔見得有咩咁開心．．．仲可以做ｄ咩．．．

自己留喺屋企又會亂諗嘢．．．真係唔知仲有咩地方可以容納到我．．．

成日對住部電腦睇番ｄ相．．．由我地初相識都拍拖旅行．．．真係好開心．．．因為我未試過去愛．．．

有人話最緊要享受個過程．．．結果係點唔重要．．．我唔係好認同．．．如果結果唔重要．．．咁點解仲要開始個過程．．．

亦有人問過我．．．我內心有冇恨．．．好坦白講．．．完全冇．．．唔忍心亦唔捨得去恨．．．只不過．．．換番嚟既係辛苦自己．．．

我完全冇辦法走出鎖住自己既呢個框．．．冇辦法忘記．．．冇辦法唔愛．．．冇辦法放低．．．

終於番嚟香港啦...

終於可以上網啦...

喺呢度祝大家新年快樂,心想事成,萬事勝意!!!!!!

回顧吓呢個星期發生過既嘢先...

上星期weekdays冇咩嘢做...而且星期五又可以早放...所以夜晚約咗jeremy去glamour飲嘢...

其實我係諗住大家大醉一場...但飲飲吓我個肚勁痛...飲一啖隔一陣就痛...飲吓飲吓...越來越痛...之後頂唔順...同jeremy講我唔飲...不過...估唔到既係...唔知幾時開始條友就飲吓飲吓就係咁...ko'ed...:p

之後同jeremy去咗嘉雀會揾ava睇佢打牌...之後jeremy就番咗去揾佢d阿哥...之後3點幾就番咗屋企...本來諗通頂架嘛...真激氣...

星期五放3:30...之後同阿媽行街...行完我就去剪頭髮...番屋企食完飯就同ava佢地打牌...狗年最後既一場...我地又冇通宵...

就係咁出事啦...suppose第二朝一早坐船去珠海...miss咗班船...仲激氣...結果要再買飛去囉...:O

喺海泉灣瞓咗晚...第二日就落馬交...喺澳門瞓咗2晚到今日先番來...

總括嚟講...我覺得海泉灣一般...至於澳門...有大三巴,x仔,觀音像,xxx教堂呢d全部都冇去...哈...只係去咗漁人碼頭,手信街,金沙,永利同埋新葡京...

永利同新葡京都感覺舒服d...唔鍾意金沙...

不過經過今次旅行...我同阿媽講咗...以後如非必要...都唔會同佢一齊去旅行...真係冇咁好玩...對比起即使係去d郊區,咩都冇既地方旅行...只要係同自己愛既人一齊去...都會覺得特別好玩...

心情調整方面...事實上仲未調整好...點算好呢...

今日係情人節...不過對我嚟講冇咩意義...

由我知道咩叫做情人節開始我就對呢個所謂既節日冇咩好感...直到而家都係...不過今年既感覺特別深刻...

今日好無聊咁過...但係又要強顏歡笑咁對住人...感覺好唔舒服...

其實諗番轉頭...到咗我呢個年紀既人...朋友既比重係應該冇以前咁重要...因為大家"supposingly"身邊都應該有一個伴侶...所以上msn既時候...好多朋友都冇上網...有好多上咗,但冇人回...

不過唔怨得人既...始終各有各既生活...

我都明白...其實我真係好想好想去阿樂度飲酒...不過我又好擔心會出事...呢排一見親酒就杯杯清...包括星期一晚公司食飯既紅酒...我老闆過嚟同我飲,因為嗰陣我冇酒,就走去囉,一倒就倒咗大半杯...嚇到我老闆以為我想隊佢...其實係我忍唔到啫...

我真係好想離開呢個地方...自己一個出去行吓...自生自滅咁...至少就算我七情上面都冇人會知道,冇人會笑我...

我覺得我已經被壓到透唔到氣...工作壓力越來越大,阿媽越來越煩,而我亦變得越來越冇自信...我從來未試過內心充滿咁多仇恨...尤其是對呢個世界,對一切發生喺我身上既嘢...

做人但求無愧於心...但係唔一定會帶比自己快樂...

究竟有咩可以令我再次快樂...定係注定我根本唔deserve任何形式既快樂...

同baby分手既第三日...雖然分咗手...但我地都係會上網,傾電話...其實感覺上係冇咁大壓力...但另一方面又好關心佢既情況...希望佢做嘢開心,身體健康...

佢話感覺唔似分咗手...其實係因為我地都好在乎對方...名義上分咗手唔代表一定要絕交咁不聞不問...一切順其自然咪仲好...

呢排係咁聽歌,新舊中英日韓都聽...成日都諗好多嘢...不過唔駛擔心...我冇事既...我都唔想成班frd話我煩...只係想你地得既send多d歌比我啫...

今日開會...講咗話今個月26號會出新product...終於都肯出啦...睇嚟離我要離開呢間公司既日子剩番唔係好耐...開完會就到每組組長寫我地2006年既appraisal...我組長評我唔係評得特別好...只可以話唔差...不過我一睇先知自己完成咗指標182%...我自己都估唔到...仲以為大概150%...不過事實2006年係特別努力...因為全年都有個好大既動力同支持...雖然暫時失去咗...不過我相信憑著我地大家既努力...暫時既失去會換來永遠既幸福...努力!!!!!!